काठमाडौँ । प्रहरीका पाँच जना डीआईजीहरुको पदस्थापन गरिएको छ । गृहमन्त्री ओमप्रकाश अर्यालले सोमबार बढुवा निर्णयसँगै पदस्थापन गर्ने निर्णय गरेका हुन् ।
एसएसपीबाट डीआईजीमा बढुवा भएका भूपेन्द्रबहादुर खत्रीलाई केन्द्रीय अनुसन्धान ब्युरो (सीआईबी) मा पदस्थापन गरिएको छ । सानुराम भट्टराईलाई प्रहरी प्रधान कार्यालय स्थित अपराध अनुसन्धान विभाग र ओमप्रसाद अधिकारीलाई उपत्यका प्रहरी कार्यालय रानीपोखरीमा पदस्थापन गरिएको छ । शेखर खनाललाई अख्तियार दुरुपयोग अनुसन्धान आयोगमा र अविनारायण काफ्लेलाई प्रहरी महानिरीक्षकको सचिवालयमा पदस्थापन गरिएको छ । काफ्ले आईजीपी चन्द्रकुवेर खापुङ निकट अधिकृत हुन् । कात्तिक ९ मा बढुवा सिफारिस गर्दा खापुङले पहिलो बरीयतामा रहेका विश्व अधिकारीलाई छुटाएर छैटौँ बरीयतामा रहेका काफ्लेलाई बढुवा सिफारिस गरेका थिए ।
