इनरुवा(सुनसरी), ५ मङ्सिर । मानव स्वास्थ्य र वातावरणलाई प्रतिकुल असर पुग्ने मागुर माछा ‘क्याट फिस’ सुनसरीको हाटबजारमा खुल्ला रुपमा बिक्रि बितरण भइरहेको पाइएको छ ।
सुनसरी सदरमुकाम इनरुवा सहित जिल्लाको बिभिन्न स्थानीयतहमा लाग्ने हाटबजारमा खुल्ला रुपमा मागुर माछा ‘क्याट फिस बिक्रिबितरण भइरहेको पाइएको छ । सुनसरी सदरमुकाम इनरुवामा लाग्ने गुद्री, सोमबारे हाट, बिहिबारे, लौकही, हरिनगर लगायतका स्थानमा लाग्ने हाटमा खुल्लेआम मागुर माछा ‘क्याट फिस बिक्रि भइरहेको पाइएको छ । भारतीय बजारबाट अवैद्ध रुपमा ल्याएर बिभिन्न ठाउँमा स्टोर गर्ने गरेको र खुद्रा ब्यपारीलाई त्यहाँबाट बिक्रि गर्ने गरेको स्थानीयवासीले बताएका छन् ।
कुनै सीमा नाकाबाट केही सुरक्षाकर्मीलाई समेत प्रलोभनमा पारेर ब्यपारीले अवैद्ध रुपमा इनरुवा बजारमा माछा ल्याउने गरेको र चोरी गरेर समेत अन्य प्रजातिका माछा ल्याएर बिक्रि वितरण गर्ने गरेको एक सुरक्षाकर्मीले नाम उल्लेख नगर्ने सर्तमा बताएका छन् ।
भारतीय बजारबाट सुरक्षाकर्मीलाई समेत गुम्राहामा राखेर ठुलो जलकपुर, कोतरी, माङगुर लगायतका प्रजातिका माछा ल्याएर बिक्रि गर्ने गरेको छ । बेला बेलामा सीमा क्षेत्रमा रहेका सुरक्षाकर्मीले यसलाई नियन्त्रणमा लिएपनि खासै यस तर्फ ध्यान नदिदा पछिल्लो समय आयात निर्यात बढेको सरोकारवालाले बताएका छन् ।
सीमा क्षेत्रबाट हुने चोरी तस्करी नियन्त्रण गर्ने जिम्मेवारी सशस्त्र प्रहरीको रहेको छ । तर सीमा क्षेत्रमा रहेका केही सशस्त्र प्रहरी कर्मचारी समान्य प्रलोभनमा पर्दा निर्वाद रुपमा अवैद्ध माछा सुनसरीमा आएर बिक्रि हुने गरेको सीमा क्षेत्रका स्थानीयले बताएका छन् ।–––