अजितकुमार झा ÷ इनरुवा
इनरुवा(सुनसरी), १३ मङ्सिर । सुनसरी इटहरी उपमहानगरपालिका–१ मा रहेको राष्ट्रिय माध्यमिक विद्यालयले शनिबार ७० औं वार्षिकोत्सवको अवसरमा ९५ जना विद्यार्थीलाई छात्रवृत्ति वितरण गरेको छ ।
बालविकासदेखि कक्षा १२ सम्म अध्ययन गर्ने विद्यार्थीलाई दाताले स्थापना गरेको २७ लाख बराबरको अक्षयकोषको ब्याजबाट प्राप्त रकम बराबरको छात्रवृत्ति वितरण गरेको विद्यालयका प्रधानाध्यापक सरनकुमार बस्नेतले बताउनुभयो ।
वर्षभरी विभिन्न गतिविधिमा उत्कृष्ट हुने छात्राछात्रलाई समेत पुरस्कार तथा प्रमाणपत्र प्रदान गरिएको उहाँले जानकारी दिनुभयो । अक्षयकोषबाटै उत्कृष्ट शिक्षण गर्ने शिक्षकशिक्षिकामध्ये खगिनकुमार चौधरी, सागर कट्वाल र युनिसा बस्नेतलाई नगद सहित सम्मान गरियोएको उहाँले बताउनुभयो ।
विद्यार्थीले अन्तिम परीक्षामा प्राप्त नजिताका आधारमा छनोट गरेर पुरस्कार तथा सम्मान गरिएको हो । साथै, बढी समय विद्यालय उपस्थित हुने शिक्षकशिक्षिकामध्ये सावित्रा श्रेष्ठ, इन्दिरा थापा र कुमारी भारतलाई दाताकै कोषबाट नगद सहित सम्मान गरिएको बिद्यालयले जनाएको छ । विद्यालयको तर्फबाट फरक फरक विधामा उत्कृष्ट कार्य गर्ने शिक्षक शिक्षिकामध्ये रोशना नेपाल, वन्दना दाहाल, अन्तिम राई, लोकबहादुर भण्डारी, भूपराज पुरी र लक्ष्मण घिमिरेलाई नगद सहित सम्मान गरिएको छ ।
वार्षिकोत्सवको अवसरमा विद्यालयमा अक्षयकोष स्थापना गर्नेसँगै अन्य भौतिक पूर्वाधारतर्फ सहयोग गर्ने नौं जना व्यक्तित्वलाई मरणोपर्यान्त सम्मान गरिएको प्रधानाध्यापक बस्नेतले बताउनुभयो ।विद्यालयमा वर्षेनी अक्षयकोष स्थापना गर्ने क्रम बढीरहदा यस वर्षमात्र छ वटा नयाँ अक्षयकोष स्थापना भएको विद्यालयका प्रधानाध्यापक बस्नेतले जानकारी दिनुभयो ।
विद्यालयले यस वर्षदेखि टिचर अफ दि इयर र स्टुडेन्ट अफ दि इएर घोषणा गरेकोमा शिक्षक तर्फ यूवराज काफ्ले र विद्यार्थीतर्फ कक्षा ९ का कृष्ण खनाल घोषित हुनुभएको छ । दुवैलाई नगद सहित सम्मान गरिएको उहाँले बताउनुभयो ।वार्षिकत्सवको अवसरमा आर्थिक वर्ष २०८१÷०८२ को आन्तरिक र बाह्य गरि वार्षिक आम्दानी चार करोड ८८ लाख ९६ हजार १४६ रुपैयाँ र व्ययतर्फ चार करोड ८७ लाख ५० हजार ७२ रुपैयाँको प्रस्तुत गर्नुभएको थियो ।
भूतपूर्व विद्यार्थीद्धारा २० लाख रुपैयाँ खर्चेर निर्माण गर्न लागिएको सभाहलको सिलन्यास समेत गरिएको छ । सभाहलको सिलन्यास कार्यक्रमका प्रमुख अथिति कोशी प्रदेशका पर्यटन, वन तथा वातावरण मन्त्री सदानन्द मण्डलले गर्नुभयो । कार्यक्रममा मण्डलले सामूदायिक विद्यालयमा सरकारले लगानी गरिरहँदा राष्ट्रिय माध्यमिक विद्यालयले गरेको उत्कृष्ट कार्यको प्रसंसा गनर््ुभयो । अहिलेसम्म विद्यालयमा ३७ वटा अक्षयकोष विभिन्न दाताले स्थापना गरेको विद्यालय प्रशासनले जनाएको छ ।–––
